ຫວຽດນາມ-ສ ເກົາຫຼີ ມຸ່ງໄປເຖິງວົງເງິນການຄ້າສອງຝ່າຍບັນລຸ 150 ຕື້ໂດລາ
ຕາມຂ່າວສານຊິນຮວາລາຍງານວັນທີ 25 ມິຖຸນາ ນີ້ວ່າ: ທ່ານ ຟ້າມມິງຈິງ ນາຍົກລັດຖະມົນຕີ ຫວຽດນາມ ໄດ້ພົບປະກັບ ທ່ານ ຢຸນ ຊຸກ ຢອນ ປະທານາ ທິບໍດີ ສ ເກົາຫຼີ ທີ່ໄປຢ້ຽມຢາມທາງລັດຖະກິດ ຫວຽດນາມໃນລະຫວ່າງວັນທີ 22–24 ມິຖຸນາ 2023. ໃນການພົບປະສອງຝ່າຍ, ທ່ານນາຍົກລັດຖະມົນຕີ ຫວຽດ ນາມໄດ້ສະເໜີສອງຝ່າຍຜັນຂະຫຍາຍບັນດາສັນຍາການຄ້າເສລີ, ສັນຍາຄູ່ຮ່ວມມືເສດ ຖະກິດຮອບດ້ານໃນພາກພື້ນ (RCEP) ຢ່າງມີປະສິດທິຜົນ, ໃນນັ້ນ ພະຍາຍາມປະຕິບັດໃຫ້ສຳເລັດເປົ້າໝາຍນຳວົງເງິນການຄ້າສອງຝ່າຍຂຶ້ນເປັນ 100 ຕື້ໂດລາໂດຍໄວ ແລະ ມຸ່ງໄປເຖິງເປົ້າໝາຍ 150 ຕື້ໂດລາ ໃນປີ 2030 ຕາມທິດສົມດຸນ ແລະຍືນຍົງ. ທ່ານປະທານາທິບໍດີ ສ ເກົາຫຼີ ເນັ້ນໜັກວ່າ: ລັດຖະບານ ສ ເກົາ ຫຼີ ຖືການພົວພັນ ສ ເກົາຫຼີ-ຫວຽດນາມ ເປັນປະເທດ ຄູ່ຮ່ວມມືສຳຄັນທີ່ສຸດ, ຖືຫວຽດນາມ ແມ່ນຄູ່ຮ່ວມມືຈຸດສຸມຂອງ ສ ເກົາ ຫຼີຢູ່ພາກພື້ນອາຊີຕາເວັນອອກສ່ຽງໃຕ້. ລັດຖະບານ ສ ເກົາຫຼີ ຈະສືບຕໍ່ສົ່ງເສີມ, ສ້າງ ເງື່ອນໄຂໃຫ້ແກ່ວິສາຫະກິດ ສ ເກົາຫຼີ ມາລົງທຶນຢູ່ ຫວຽດນາມ, ພ້ອມນັ້ນ ກໍສະເໜີໃຫ້ສອງຝ່າຍເພີ່ມທະວີການຮ່ວມມືໃນຂົງເຂດອຸດສາຫະກຳປ້ອງກັນຊາດ ຕື່ມອີກ.
ແຫຼ່ງທີ່ມາ: ໜັງສືພິມກອງທັບ
ວັນທີ 27/06/2023